У нядзелю, 15 ліпеня, у Нью-Ёрку пройдзе Марш Паняволеных Народаў у рамках Тыдню Паняволеных Народаў, у якім традыцыйна бяруць удзел прадстаўнікі беларускай грамады Амэрыкі.

Нядзеля, 15 ліпеня:
-9.00 раніцы-збор удзельнікаў на 5-й эвэню і 59-й вуліцы (пры Гатэлі Плаза);
-10.00-імша за Паняволеныя Народы ў Катэдры Сьв. Патрыка;
-11.00-марш па 5-й Эвэню да 72-й вуліцы;
-12.00-афіцыйнае адкрыцьцё Тыдню Паняволеных Народаў (Сэнтрал Парк).

У чацьвер, 19 ліпеня, а 11.00 раніцы пройдзе дэманстрацыя перад будынкам Аб'яднаных Нацыяў, а ў нядзелю 22 ліпеня-прыняцьце ў лютаранскай царкве 122 Е. 88 вуліцы (пры Лексінтан эвэню) і цырымонія закрыцьця.

Тыдзень Паняволеных Народаў, часткай якога ёсьць гэты Марш, быў Арганізаваны Камітэтам Паняволеных Народаў, які паўстаў у 1950-я гады. Ён зьяўляўся масавай імпрэзай эмігранцкіх арганізацыяў з краінаў, што калісьці зьняволіў савецкі камунізм, у тым ліку Беларусі. Сёньня большасьць тых краінаў вызвалілася і здабыла свабоду.

Беларусь засталася паняволенай пра-маскоўскім дыктатарскім рэжымам. У Беларусі зьліквідаваная дэмакратыя, парушаюцца правы чалавека, зьнішчаецца нацыянальная культура. Таму беларуская грамада Амэрыкі працягвае браць удзел у імррэзах Тыдня Паняволеных Народаў, выказваючы свой пратэст супраць палітыкі рэжыму Лукашэнкі.

Беларуска-амэрыканскае задзіночаньне (БАЗА)