Чарговая дэманстрацыя салідарнасьці з палітвязьнямі адбылася каля будынку амбасады Беларусі ў Вашынгтоне.

Беларусы віталі вызваленьне Аляксандра Казуліна і патрабавалі поўнага вызваленьня ўсіх палітвязьняў. У суботняй акцыі 16 жніўня ўзялі удзел актывісты Беларуска-Амэрыканскага задзіночаньня, Згуртаваньня беларускай моладзі Амэрыкі і арганізатары – фундацыя ''Мы памятаем'' і грамадзкай ініцыятывы ''Погляд' .

Адна з удзельніц трымала ў руках плякат з надпісам па-ангельску “Прасігналь у падтырмку дэмакратыі ў Беларусі!”.

Цягам акцыі каля будынку амбасады РБ у ЗША увесь час сыгналілі аўтамабілі, што някепска прыцягвала ўвагу мінакоў і наведнікаў амбасады. Як звычайна, ніхто зь беларускай дыпмісіі да нас ня выйшаў – яны ня мелі што сказаць у сваё апраўданьне, – кажа адзін з удзельнікаў акцыі Вячаслаў Бортнік. – Да нас падыходзілі мінакі, мы распавядалі ім пра становішча з дэмакрытыяй у Беларусі.

Чарговая падобная акцыя салідарнасьці пройдзе празь месяц, 16 верасьня, як паведамляюць арганізатары.

Тацяна Поклад, Радыё Свабода