У суботу, 26 красавіка 2008 г., Беларуска-Амэрыканскае Задзіночаньне (БАЗА) ладзіць мітынг і шэсьце, прысьвечаныя 22-й гадавіне Чарнобыльскай катастрофы.

БАЗА выказвае салідарнасьць з беларусамі, што дасёньня жывуць на забруджаных радыёактыўнымі рэчывамі землях, з ліквідатарамі й пенсіянерамі з чарнобыльскай зоны, якіх рэжым Лукашэнкі пазбавіў апраўданых і заслужоных ільготаў. БАЗА выказвае салідарнасьць з усімі змагарамі за вольную Беларусь, для якой панаваньне рэжыму Лукашэнкі й праводзімыя ім этнацыд і зьнішчэньне нацыянальнай гісторыі, мовы, культуры роўныя па зьнішчальнай сіле Чарнобыльскай катастрофе ў духовай сфэры.

Запрашаем усіх неабыякавых людзей далучыцца да акцыі, якая пачнецца 26 красавіка а 12:00 апоўдні на Мангэтане каля будынку, дзе месьціцца Кансулят Беларусі, на 3-й Эвэню (пры 44-й вуліцы), і будзе працягнутая каля штаб-кватэры ААН на 1-й Эвэню (пры 43-й вуліцы).

Бліжэйшая станцыя падземкі: Grand Central-42 Street, лініі № 4, 5, 6, 7.

Жыве Беларусь!

Беларуска-амэрыканскае задзіночаньне (БАЗА)