Дзеля неспрыяльнай для дзейнасьці нью-ёрскага аддзелу БАЗА атмасфэры, створанай паасобнымі актывістамі царкоўнай рады сабору сьв. Кірылы Тураўскага ў Брукліне, у грамадзкай залі якога цягам апошніх двух з паловаю гадоў адбываліся штомесячныя сходы аддзелу, правядзеньне сходаў нью-ёрскага аддзелу БАЗА часова пераносіцца ў Фундацыю імя Пётры Крэчэўскага ў Кўінсе.

Фундацыя імя Пётры Крэчэўскага знаходзіцца па адрасу:
166-34 Gothic Drive, Jamaica, NY 11432 (пры 167 Street)

Даезд падземкай F да станцыі 169 Street. Прайсьці потым ад гэтай станцыі 2 блёкі на поўнач да скрыжаваньня 167 вуліцы і Готык Драйв, дзе на Т-падобным скрыжаваньні ля high school знаходзіцца будынак Фундацыі Крэчэўскага, звычайна ў час сходаў аздоблены бел-чырвона-белым сьцягам.

Даезд аўтам з боку Мангэтану і Брукліну-па Grand Central Parkway да выезду ЕХІТ: Parsons Boulevard, тады па сэрвіс роўд да 168 вуліцы і па ёй павярнуць управа, каля будынку high school-скрыжаваньне 167-й вул. і Gothic Drive, дзе стаіць будынак Фундацыі Крэчэўскага.

У гэтым будынку да траўня 2005 году праходзілі рэгулярныя сходы нью-ёрскага аддзелу БАЗА, і там знаходзіцца штаб-кватэра БАЗА.

Сходы аддзелу БАЗА будуць адбывацца, як і раней, у кожную другую нядзелю месяца. Пачатак а 1 гадзіне папаўдні.

Газэта "Беларус"