У нядзелю, 13 ліпеня, адбудзецца штогадовы Марш Паняволеных Народаў па 5-й Эвэню. Марш, ладжаны Камітэтам Паняволеных Народаў, праходзіць напачатку Тыдня Паняволеных народаў, і праводзіцца штогадова ад 1959 году. У той час большасьць Паняволеных Народаў, у тым ліку Беларусь, знаходзілася пад камуністычым панаваньнем. Сёньня амаль усе народы, што разам з беларусамі Амэрыкі выходзілі на Марш, зьяўляюцца вольнымі, але пагроза таталітарызмку і дыктатураў нікуды ня зьнікла. Таму беларусы Амэрыкі, пратэстуючы супраць рэжыму Лукашэнкі, разам з прадстаўнікамі Кубы, Кітаю, Нікарагуа, Віетнаму, іншых паняволеных народаў, а таксама прадстаўнікоў эўрапейскіх народаў, што ўжо здабылі свабоду, выходзяць на Марш каб нагадаць усім, што сьвет яшчэ поўны ўціску і прыгнёту, што свабода не прыходзіць сама па сабе, што за яе трэба змагацца.

Збор удзельнікаў-а 9:00 раніцы на Мангэтане, ля гатэлю Плаза, пры 59-й вуліцы і 5-й Эвэню;
А 10:00-Імша за Паяняволеныя Народы ў Катэдры Св. Патрыка;
А 11:00-Марш Паняволеных Народаў па 5-й Эвэню да 72 вул.;
А 12:00-Афіцыйнае адкрыцьцё Тыдня Паняволеных Народаў.

Увага: А 2:00 папаўдні ў Сэнтрал-парку адбудзецца сход Нью Ёрскага аддзелу БАЗА.

Беларуска-амэрыканскае задзіночаньне (БАЗА)