12 красавіка ад 4 да 5.30 папаўдні ў Вашынгтоне ў бібліятэцы на Capitol Hill (330 7th Street, NE) Вальжына Морт будзе чытаць вершы з сваёй новай кнігі “Фабрыка сьлёз”. Пасьля чытаньня паэтка адкажа на пытаньні слухачоў. Каб атрымаць падрабязьнейшую інфармацыю аб гэтай сустрэчы, зьвяртайцеся на baza.dc@gmail.com

Газэта "Беларус"

Вальжына Морт (сапраўднае прозьвішча: Мартынава) — беларуская пісьменьніца, перакладчыца. Нарадзілася 1981 ў Менску. Навучаецца ў МДЛУ. Друкавалася ў часопісе Nihil. Фіналістка літаратурнага конкурсу імя Натальлі Арсеньневай (вясна 2003), яе творы трапілі ў сумесную кнігу «12 + 1». Іграла ў п'есе «Калекцыянэр» (аўтар і рэжысэр: Вольга Гапеева), першы і адзіны паказ якой адбыўся 2 кастрычніка 2003 у рамках фэстывалю «Тры дні». Атрымала прэмію на Міжнародным літаратурным фэстывалі «Віленіца-2004». Яе проза перакладзеная на ангельскую, баўгарскую, латыскую, літоўскую, нямецкую, польскую і ўкраінскую мовы. Сама перакладае з ангельскай. Творчасьць Вальжыны Морт характарызуецца экспрэсіўнасьцю лексыкі, сьмелым ужываньнем нецэнзурных слоў.

Вікіпэдыя